Në një deklaratë të bërë nga Shërbimi Federal i Sigurisë Ruse (FSB), bëhet e ditur se është parandaluar një sulm terrorist i planifikuar për t’u kryer në një sinagogë në kryeqytetin Moskë.
“FSB-ja parandaloi aktin kriminal të një shtetasi të vendeve të Azisë Qendrore, i lindur në vitin 2002, i cili po planifikonte të kryente një sulm terrorist ndërsa qytetarët ishin mbledhur në sinagogën në Moskë. Personi ka bërë përgatitjet për të kryer sulmin terrorist derisa ishte në Moskë. Ai kreu zbulim në zonën përreth një prej sinagogave të Moskës dhe gjithashtu bleu materiale për prodhimin e eksplozivëve të improvizuar. Terroristi hapi zjarr ndaj forcave të sigurisë gjatë ndalimit të tij më 10 prill dhe u neutralizua”, thuhej në deklaratë.
Është thënë se gjatë kontrollit në shtëpinë ku banonte sulmuesi janë gjetur edhe lëndë plasëse të punuar me dorë, ndërsa është bërë e ditur se hetimet për ngjarjen vazhdojnë.
144 persona humbën jetën dhe mbi 150 persona u plagosën në sulmin e organizuar nga organizata terroriste ISIS mbrëmjen e 22 marsit në sallën e koncerteve Crocus City Hall në rajonin e Moskës të Rusisë. /vizionplus.tv
