Qeveria amerikane ka sugjeruar që grupet teknike të vendeve anëtare të G7 të studiojnë mënyrat për të sekuestruar 300 miliardë euro që kanë si burim asetet e ‘ngrira’ ruse. Kjo shumë është “ngrirë” si pasojë e sanksioneve të vendosura nga superfuqitë e botës ndaj Rusisë dhe oligarkëve rusë, pas fillimit të luftës në Ukrainë.
Megjithatë, SHBA kërkon që asetet e ‘ngrira’ të sekuestrohen. SHBA, me mbështetjen e Britanisë, Japonisë dhe Kanadasë, ka propozuar fillimin e punës përgatitore për të shqyrtuar opsionet nga liderët e G7 në një takim të ardhshëm, rreth 24 shkurtit, sipas raportit të publikuar nga gazeta Financial Times.
Superfuqitë e botës vendosën sanksione të njëpasnjëshme ndaj Rusisë me qëllim që kjo e fundit të ndalojë sulmet në Ukrainë. Ndonëse sanksionet dhanë efekte në dobësimin e ekonomisë ruse dhe ‘izolimin’ e saj, sulmet nuk u ndalën./vizionplus.tv/
