Qeveria amerikane miratoi të martën shitjen e më shumë se 20 miliardë dollarëve të pajisjeve ushtarake për Izraelin, duke anashkaluar presionin dhe thirrjet nga grupet e të drejtave të njeriut për të ndaluar furnizimet.
Miratimi u njoftua pasi lufta në Rripin e Gazës midis Izraelit dhe Hamasit hyn në ditën e saj të 313-të, ose muajin e 11-të, dhe presidenti amerikan Joe Biden bën thirrje për një armëpushim në enklavën e rrethuar palestineze.
Departamenti i Shtetit tha në njoftimin e tij të kërkuar ligjërisht për Kongresin për miratimin e shitjes se pajisja do të rriste aftësinë e Izraelit për të kundërshtuar kërcënimet armiqësore aktuale dhe të ardhshme.
Në paketë përfshihen 50 avionë luftarakë me shumë funksione F-15, afro 33,000 predha tankesh, 50,000 predha mortajash, etj.
Dorëzimi i pajisjeve do të zgjasë me vite. Ato të F-15, të pajisur me radarë të fuqishëm dhe pajisje të sigurta komunikimi, nuk do të fillojnë deri në vitin 2029.
“SHBA-ja është e përkushtuar ndaj sigurisë së Izraelit dhe është jetike për interesat e sigurisë kombëtare të SHBA-së që ta ndihmojmë Izraelin të zhvillojë dhe të mbajë një aftësi të fortë mbrojtëse”, tha Departamenti i Shtetit i SHBA-së. /vizionplus.tv
