Shtetet e Bashkuara njoftuan sot se kanë kryer sulme të reja dje kundër pozicioneve të rebelëve Houthi në Jemen, të cilët ishin gati, sipas Uashingtonit, të sulmonin anijet në Detin e Kuq.
“Më 10 shkurt, midis orës 16:00 dhe 17:00, Sanaa, forcat amerikane kryen me sukses sulme vetëmbrojtjeje”, tha komanda e ushtrisë amerikane në Lindjen e Mesme Centcom në një njoftim për shtyp.
Sulmet u kryen në veri të qytetit perëndimor të Jemenit të Hodeidah dhe kishin në shënjestër dy drone detare, si dhe tre sisteme raketore të lëvizshme kundër anijeve që ishin gati të niseshin kundër anijeve në Detin e Kuq, thuhet në njoftimin për shtyp.
“Centcom i identifikoi këto raketa në zonat e kontrolluara nga Houthit të Jemenit dhe përcaktoi se ato paraqesin një kërcënim të menjëhershëm për anijet e marinës amerikane dhe anijet tregtare në zonë”, thuhet më tej në njoftim.
Rrjeti televiziv Houthi Al-Masirah raportoi mbrëmë për tre sulme në sektorin al-Salif, afër Hodeidah. Një gazetar i AFP në zonë dëgjoi një seri shpërthimesh të forta. /vizionplus.tv
