Pasagjerët e një avioni i cili ishte nisur nga Heraklioni (Kretë) drejt Tel Avivit kanë kaluar momente ankthi, pasi avionit iu desh të kthehej në Kretë, menjëherë pas nisjes.
Avioni me 174 pasagjerë është nisur dje të dielën në orën 5 të mëngjesit nga aeroporti “Nikos Kazantzakis”, me destinacion qytetin e Izraelit.
Por gjatë fluturimit piloti i avionit u urdhërua të kthehej në Heraklion, për arsye sigurie, për shkak të zhvillimeve të luftës në Izrael dhe në veçanti bombardimeve të nisura nga Hezbollahu në një bazë ushtarake pranë Tel Avivit.
Një orë pas nisjes, avioni u ul në aeroportin e Heraklionit, me 174 pasagjerë të mbetur në ambientet e aeroportit, të shqetësuar për zhvillimet.
Disa orë më vonë trafiku ajror u rivendos dhe avioni u nis normalisht për në Tel Aviv./vizionplus.tv
