Kylian Mbappe nuk dorëzohet. Pas dëmtimit që pësoi ditën e djeshme me thyerjen e hundës, ai nuk është tërhequr për përballjen e radhës me Holandën në datën 21 qershor.
Pas frakturës që pësoi në hundë, Mbappe i ka shpëtuar ndërhyrjes kirurgjikale, dhe pritet që të shfaqet me një maskë në fytyrë si masë mbrojtës për të shmangur përkeqësimet, duke treguar forcat përballë “tulipanëve”.
Ky ishte një lajm i mirë për trajnerin Deschampes, por dhe tifozët francez, të cilët do shohin yllin e skuadrës sërish në fushë.
Vetë ai ka postuar në rrjetet sociale, ku iu kërkon ndjekësve ide për maskën me të cilën do të shfaqet në fushën e blertë
Kapiteni i “Gjelave” u pa i gjakosur në fushën e lojës pas një përplasjeje me Kevin Danso. Pas sfidës, federate franceze e futbollit ka konfirmuar se 25-vjeçari ka pësuar një thyerje në pjesën e hundës./vizionplus.tv
