Besimtarët katolikë e ortodoksë në të gjithë botën kremtojnë krishtlindjen, një nga ngjarjet më të rëndësishme të kalendarit të tyre fetar.
Mijëra njerëz u dyndën në Sheshin e Grazhdit të Betlehemit, pas dy vitesh festimesh të përmbajtura për shkak të luftës në Gaza .
Papa Leoni XIV ka mbajtur meshën e parë të Krishtlindjes në rolin e kreut të Selisë së Shenjtë në mesnatë, duke mirëpritur mijëra besimtarë të mbledhur në Sheshin e Shën Pjetrit në Vatikan.
Hyrja e Atit të Shenjtë u shoqërua nga himni tradicional “Noel”, i interpretuar nga Kori i Kapelës Sistine. Në Altarin qendror të Rrëfimit, Papa Leo XIV kremtoi meshën së bashku me rreth 250 klerikë të lartë kardinalë, peshkopë dhe priftërinj.
“Faleminderit që erdhët, edhe në shi. Urimet më të mira për të gjithë. Le ta festojmë Krishtlindjen së bashku. Jezu Krishti, i cili lindi për ne, na sjell paqen dhe dashurinë e Zotit. Zoti ju mbroftë dhe ju bekoftë të gjitha familjet tuaja”, u shpreh Papa Leone XIV.
Papa riktheu në vëmendje një qëndrim nga Papa Benedikti XVI i cili vërente se bota nuk interesohet për fëmijët, të varfrit apo të huajt.
“Ndërsa një ekonomi e shtrembëruar na bën të trajtojmë qeniet njerëzore si mallra të thjeshta.Ku ka vend për njeriun ka vend për Zotin. Edhe një stallë mund të bëhet më e shenjtë se një tempull”, u shpreh Papa Leone XIV
Dritat e Krishtlindjes u ndezën dhe në Evropë në këtë ditë të shënuar, përfshirë edhe Ukrainën e cila është në luftë me Rusin./vizionplus.tv
