Ndërsa koalicioni i majtë i Presidentit Emmanuel Macron dhe centristët përpiqen të formojnë qeverinë e re në Francë, udhëheqësja e ekstremit të djathtë, Marine Le Pen, tha të mërkurën se ngërçi politik i Francës qëndron vetëm tek Macron.
“Ne jemi në një moçal, askush nuk mund ta dijë se nga cila parti do të jetë kryeministri i ardhshëm ose çfarë politike do të ndiqet,” tha udhëheqësja e ekstremit të djathtë në një deklaratë për gazetarët pas mbërritjes së saj në Parlament.
Rezultati i papritur i zgjedhjeve të parakohshme parlamentare të së dielës që vendosi Frontin e Ri Popullor të krahut të majtë në vend të parë, por pa një shumicë absolute, e ka “zhytur” Francën në paqëndrueshmëri politike.
Udhëheqësit e të gjitha fraksioneve kanë hasur në vështirësi sa i përket negociatave lidhur me formimin e qeverisë, kjo për shkak të qasjeve të ndryshme.
Tensionet e brendshme janë shtuar gjithashtu pasi të gjithë kërkojnë të rrisin ndikimin në peizazhin e ri politik.
Çdo qeveri e së majtës, e qendrës apo e një koalicioni më të gjerë nuk do të ketë shumë shanse për të mbijetuar nëse nuk siguron mbështetje të mjaftueshme dhe të qëndrueshme./vizionplus.tv
