Dy raketa balistike u lëshuan nga Koreja e Veriut rreth orës 5 të mëngjesit të së hënës (me orën lokale), njoftoi shtabi i përgjithshëm i mbrojtjes kombëtare të Koresë së Jugut.
Raketa e parë balistike me rreze të shkurtër u lëshua rreth orës 05:05 nga zona Changgyon në drejtim verilindor dhe udhëtoi në një distancë prej rreth 600 kilometrash, ndërsa e dyta u lëshua dhjetë minuta më vonë nga e njëjta zonë dhe udhëtoi në një distancë prej rreth 120 kilometrash, sipas të njëjtit burim.
“Ne e dënojmë fuqishëm lëshimin e raketës së Koresë së Veriut si një provokim që kërcënon seriozisht paqen dhe stabilitetin e Gadishullit Korean”, tha në një deklaratë Shtabi i Përgjithshëm i Mbrojtjes Kombëtare në Seul, duke vënë në dukje se kishte ndarë informacionin përkatës me autoritetet amerikane dhe japoneze.
Të dielën, Koreja e Veriut denoncoi stërvitjet e fundit të përbashkëta ushtarake të mbajtura nga forcat koreano-jugore, japoneze dhe amerikane, duke paralajmëruar për një “shfaqje të re të fuqisë parandaluese”.
Javën e kaluar, Pheniani pretendoi se kishte testuar me sukses MIRV (Multiple Independently Targetable Reentry Vehicle Technology), e cila përfshin zhvillimin e raketave që mbajnë koka të shumta luftarake. Megjithatë, Seuli e hodhi poshtë pretendimin si një keqinterpretim, duke pretenduar se nisja ishte një dështim./vizionplus.tv
