Rusia ka pësuar viktima të shumta në luftën në Ukrainë dhe ushtria e saj do të dalë e dobësuar nga konflikti i armatosur, parashikoi një oficer i lartë ushtarak gjerman.
“Ju e dini se, sipas shifrave të inteligjencës perëndimore, 300,000 ushtarakë rusë janë vrarë ose plagosur aq keq sa që ata nuk mund të kontribuojnë më në përpjekjet luftarake të Moskës”, tha gjenerali Christian Freunding për gazetën gjermane Süddeutsche Zeitung, i cili mbikëqyr mbështetjen e Ushtrisë Federale Gjermane (Bundeswehr) në forcat e Kievit.
Gjenerali, një nga këshilltarët kryesorë të ministrit gjerman të Mbrojtjes Boris Pistorius, duket se beson se vlerësimi i shërbimeve të inteligjencës amerikane, i cili u zbulua më 12 dhjetor, dhe sipas të cilit rreth 315,000 ushtarë rusë janë vrarë ose plagosur që nga pushtimi rus në territorin ukrainas në fund të shkurtit 2022.
“Humbjet ruse në njerëz dhe material janë të mëdha”, gjykoi oficeri i lartë gjerman.
“Me besojmë se rusët humbën një numër tankesh dhe transportuesish të blinduar që arrijnë në mijëra”, shtoi ai.
Në të njëjtën kohë, rusët gjithmonë arrijnë të rekrutojnë personel, duke përfshirë transportimin e të burgosurve në front, sipas gjeneralit Freuding, ndërsa shihen investime masive në industrinë e armëve. /vizionplus.tv
