Amerikanët do t’u drejtohen sot kutive të votimit në një sërë zgjedhjesh në New York City, New Jersey, Virginia dhe California.
Rezultati do të tregojë se ku qëndron mbështetja për republikanët e Donald Trump dhe nëse demokratët kanë arsye për shpresë ndërsa vëmendja më e madhe do të jetë mbi garën për bashkinë e nju jorkut.
Beteja për New Jork Cityn një nga qytetet më të rëndësishme amerikane zhvillohet mes kandidatit të majtë Zohran Mamdani dhe ish guvernatorit Andrew Cuomo ndërsa pjesë është bërë edhe presidenti Donald Trump me deklarat e forta.
Teksa ka shprehur mbështetjen e hapur për kandidatin e pavarur Cuomo, trump ka paralajmëruar se do të ndërpresë fondet federale për bashkinë nëse votuesit zgjedhin Mamdanin.
“Nëse kandidati komunist Zohran Mamdani fiton zgjedhjet për kryetar bashkie të qytetit të New Jorkut, është shumë e pamundur që unë të kontribuoj me fonde federale, përveç minimumit të kërkuar, për shtëpinë time të parë të dashur, për shkak të faktit se, si komunist, ky qytet dikur i madh ka ZERO shanse për sukses, apo edhe mbijetesë”, tha Trump.
Mamdani një 34-vjeçar mysliman nga Uganda ka fituar në raundin e parë të zgjedhjeve për qytetin ndërsa dominon bindshëm edhe në raundin e dytë.
Një fitore për Mamdanin do t’i jepte qytetit kryetarin e parë mysliman të bashkisë dhe udhëheqësin më të ri prej një kohe të gjatë./vizionplus.tv
