Udhëheqësi i Koresë së Veriut, Kim Jong Un mori një makinë luksoze si dhuratë personale nga presidenti rus Vladimir Putin , raportoi agjencia e lajmeve të Koresë së Veriut.
Të dy vendet kanë forcuar lidhjet e tyre që nga takimi Kim-Putin në shtator dhe u zotuan të forcojnë bashkëpunimin e tyre në të gjitha fushat.
Makina e prodhuar nga Rusia iu dorëzua udhëheqësit të Koresë së Veriut më 18 shkurt , raportoi KCNA, duke shtuar se motra e liderit të Koresë së Veriut i përcolli falënderimet presidentit rus dhe theksoi se dhurata demonstron marrëdhënien e veçantë të dy liderëve në një nivel personal.
Raporti nuk specifikonte llojin e makinës dhe as mënyrën se si u transportua nga Rusia. Kim thuhet mban një koleksion të automjeteve luksoze që i ka importuar ilegalisht në vendin e tij.
Në shtator, gjatë një vizite në një qendër hapësinore në Lindjen e Largët Ruse, Kim tregoi interes për limuzinën presidenciale të Putinit, Aurus Senat./vizionplus.tv/
