Joe Biden tha në një intervistë të mërkurën se ai do të rimendonte qëndrimin në garën presidenciale nëse kishte një arsye mjekësore.
Sipas New York Times, Dr. Kevin O’Connor, mjeku i Shtëpisë së Bardhë, shkroi pas ekzaminimit mjekësor të presidentit në shkurt se ai është “një burrë i shëndetshëm, aktiv, i fortë, 81-vjeçar, i cili mbetet i aftë të performojë me sukses detyrat e kryesisë”. Por paraqitja e tij në një debat me Donald Trump muajin e kaluar, që shkaktoi një valë thirrjesh nga aleatët demokratë që ai të braktiste garën, ngriti pikëpyetje për shëndetin dhe mprehtësinë e tij.
Në një intervistë me Ed Gordon të BET News, Biden u pyet nëse kishte ndonjë gjë që do ta bënte atë të rimendonte qëndrimin në garë: “Nëse do të kisha një gjendje mjekësore që do të dilte, nëse dikush, nëse mjekët do të vinte tek unë dhe do të thoshte, ju keni këtë problem dhe atë problem”, tha Biden.
Në fillim të këtij muaji, Biden tha gjatë një interviste me ABC News se ai do të tërhiqej nga gara vetëm nëse “Zoti i Plotfuqishëm” ia thoshte këtë.
Vërejtjet e Biden vijnë mes thirrjeve në rritje nga demokratët për të tërhequr kandidaturën e tij në zgjedhjet e nëntorit./vizionplus.tv
