Një në 50 shqiptarë në Britaninë e Madhe është në burg, sipas një analize të realizuar së fundmi, raporton The Telegraph.
Më shumë se 1,200 shqiptarë janë në burg, ndërsa në Britaninë e Madhe jetojnë rreth 53 mijë emigrantë shqiptarë, të cilët nuk kanë shtetësi britanike, sipas të dhënave zyrtare.
Shqiptarët janë në krye të listës, teksa pasohen nga shqiptarët e Kosovës, vietnamezët, algjerianët, xhamajkanët, eritreasit, irakianët dhe somalezët.
Shtetasit gjermanë, italianë, indianë, grekë, amerikanë, Sri Lanka, francezë dhe kinezë janë më të paktë në numër.
Është hera e parë që kryehet një analizë e tillë.
Deputetët e lartë konservatorë kanë kërkuar nga qeveritë konservatore dhe ato laburiste të publikojnë të dhëna si Danimarka dhe disa shtete të SHBA-së që do të mundësonin hartimin e tabelave, të cilat tregojnë nivelin e krimit të emigrantëve të çdo kombi.
Ndërsa të dhënat për kombësitë në mesin e popullatës së burgosur zbulojnë shkallën e krimeve të rënda të kryera nga shtetas që nuk janë pjesë e Mbretërisë së Bashkuar, informacioni për veprat penale të kryera nga migrantët të cilët nuk janë të burgosur burgosur nuk publikohen.
Një amendament i mbështetur nga qeveria e Rishi Sunak do t’i kërkonte Qeverisë që çdo vit të paraqiste një raport në Parlament që detajonte kombësinë, vizën dhe statusin e azilit të çdo shkelësi të dënuar në gjykatat angleze dhe të Uellsit. Projektligji u hodh poshtë për shkak të zgjedhjeve.
U argumentua se të dhëna të tilla do t’i mundësonin Ministrisë së Brendshme të ashpërsonte politikat e vizave dhe dëbimit për kombësitë që lidhen me shkallë më të lartë të krimit në Mbretërinë e Bashkuar.
The Telegraph përpiloi tabelën duke marrë të dhëna nga Ministria e Drejtësisë që tregon se janë 10,435 shtetas të huaj në burgje në Angli dhe Uells, krahasuar me 76,866 shtetas britanikë. Kombet me më pak se 20 persona në burgjet e Mbretërisë së Bashkuar u përjashtuan nga analiza.
Shkalla e burgimit për shtetasit shquptarë ishte 232.33 për 10,000 njerëz ose një në 50. Kjo është llogaritur bazuar në të dhënat e regjistrimit që tregonin se 68.672 shqiptarë të lindur jashtë jetonin në Mbretërinë e Bashkuar.
Shqiptarët pasohen nga shqiptarët e Kosovës me 150.23 për 10.000, vietnamezët (148.88), algjerianët (124.41), xhamajkanët (110.77), eritreanët (110.7), irakianët (104.43) dhe somalezët (100.3). Të gjithë kanë më shumë se një në 100 të popullatës së tyre përkatëse në burg.
Gjermania kishte më pak, me 4,68 për 10,000 (një në 2,000), e ndjekur nga Italia (4,96), India (6,24), Greqia (6,36), SHBA (7,27), Sri Lanka (8,17), Franca (8,64) dhe Kina ( 9.39)./vizionplus.tv
