Ministri i Shëndetësisë, Fatmir Mexhiti, ka bërë një njoftim të rëndësishëm lidhur me përdorimin e ilaçit Trikafta për trajtimin e pacientëve me fibrozën cistike.
Në një ngjarje të veçantë të mbajtur të premten, dy pacientë me fibrozë cistike janë trajtuar me sukses me ilaçin Trikafta në Klinikën për Sëmundje të Fëmijëve. Gjendja shëndetësore e tyre aktualisht është e stabilizuar, duke sjellë një shërim të dukshëm, transmeton Telegrafi.
Ky moment shënon një hap të rëndësishëm në kujdesin shëndetësor për pacientët me fibrozë cistike në vendin tonë. Pas suksesit të paraqitur nga dy pacientët e parë, pritet që gjatë ditës së nesërme të përfshihen edhe dy persona të tjerë në trajtimin me Trikafta. Kjo do të jetë një hap i rëndësishëm drejt përmirësimit të jetës së pacientëve me këtë sëmundje.
Nga Ministria e Shëndetësisë ka theksuar se, me hyrjen në vitin e ri, pacientët me fibrozë cistike mund të presin një cilësi më të mirë të jetesës së tyre, duke përdorur ilaçin Trikafta në terapinë e tyre. Gjithashtu ka bërë thirrje për bashkëpunim të vazhdueshëm nga stafi mjekësor dhe për mbështetje të plotë nga shoqëria në këtë përpjekje të rëndësishme për shërim.
Në periudhën në vijim, pritet që numri i pacientëve të rritet gradualisht, duke i ofruar këtë trajtim inovativ dhe shpëtimtar për më shumë individë me fibrozë cistike. /Telegrafi/
Mexhiti shpall fillimin e një ere të re për pacientët me fibrozë cistike në Maqedoni appeared first on Telegrafi.
