Rruga drejt Evropës do të duhet të vazhdojë dhe Greqia do të jetë ndër ato vende që do të qëndrojë në krah të vendeve të Ballkanit Perëndimor, me respekt për demokracinë dhe shtetin e së drejtës dhe me shpresën se Evropa do të bëhet familja e gjerë e të gjitha vendeve, tha kreu i diplomacisë greke, Giorgos Gerapetritis në një deklaratë për televizionin shtetëror “ERT” pas pjesëmarrjes në Samitin e Kryetarëve të Shteteve dhe Qeverive të pjesëmarrësve në Procesin e Bashkëpunimit në Evropën Juglindore në Shkup.
Ministri i Punëve të Jashtme tha se në Shkup përcolli “mesazhin e paqes, solidaritetit dhe miqësisë për të gjitha vendet e Evropës Juglindore”, ai kujtoi se Greqia ishte një nga vendet “që përshpejtoi formimin e konferencave ndërballkanit”, por edhe një mbështetëse e fortë e perspektivës së BE-së për Ballkanin Perëndimor përmes agjendës së Selanikut të vitit 2003.
“Është e rëndësishme të garantohet fluksi evropian i të gjitha vendeve nga Ballkani dhe rajoni më gjerë në një periudhë sfidash shumë të larta, me dy luftëra në fqinjësinë tonë më të gjerë.
Sigurisht, dhe kjo është ajo që theksova në Konferencë, progresi duhet të zhvillohet mbi bazën e parakushteve specifike, të cilat janë formale dhe i referohen respektimit të demokracisë, respektimit të shtetit të së drejtës, respektimit me besnikëri të të gjitha marrëveshjeve ndërkombëtare dhe respektimit të vazhdueshëm me gjithçka që lidhet me Bashkimin Evropian, të drejtën ndërkombëtare, si dhe sigurisht me respektimin e të drejtave të minoriteteve”, tha kreu i diplomacisë greke në një deklaratë për ERT./Telegrafi/
Gerapetritis nga Shkupi: Është e rëndësishme të garantohet rruga evropiane e vendeve të Ballkanit Perëndimor appeared first on Telegrafi.
