Vitin e kaluar, familjet në Maqedoni shpenzuan më shumë se gjysmën e buxhetit të tyre të brendshëm – (51.5 për qind) për ushqime dhe pije, kryesisht mish, produkte qumështi dhe drithëra. Megjithatë, më shumë në amvisëritë në RMV është ngrënë bukë – 191,1 kg dhe patate – 76,3 kg, ndërsa mishi viçit, mishi i lopës – 19,3 dhe peshku – 18,3 kg. Më të konsumuara ishin pijet joalkoolike – 170,4 litra dhe qumështi – 88,2 litra.
Mbi dhjetë për qind nga buxheti familjar ka shkuar në shpenzime të përgjithshme, ndërsa për trafik janë shpenzuar rreth 16 mijë denarë ose 5,5 për qind, që është më shumë se sa kanë shpenzuar familjet për shëndetësi, rekreacion, kulturë dhe arsim së bashku, sipas Entit Statistikor të Republikës së Maqedonisë së Veriut për vitin 2022.
Mesatarisht, çdo familje në vitin 2022 ka shpenzuar 294.117 denarë ose 4.782 euro. Prej tyre, pjesa më e madhe ose 96,7 për qind është për konsum personal, ndërsa rreth 1,6 për qind ose 4 740 denarë për kursime, 2 892 denarë ose 1 për qind për shlyerjen e kredive 0,2 për qind ose 580 denarë secila familje ka shpenzuar si shpenzime për një apartament, shtëpi dhe pronë.
Më shumë se gjysma e buxhetit familjar në vitin 2022 ka shkuar për ushqim dhe pije joalkoolike, përkatësisht rreth 151.560 denarë.
Nga perimet janë ngrënë mesatarisht 31,8 kilogramë lakër, 30,2 kilogramë domate, 29,3 kilogramë piper dhe 17,5 kilogramë tranguj, fasule – 18,4 kilogramë, dhe bizele dhe bishtaja 0,7 kilogramë.
Nga Enti Shtetëror i Statistikave theksojnë se të dhënat janë marrë në bazë të anketës statistikore “Anketa e konsumit të familjeve”, të realizuar gjatë vitit 2022./Telegrafi/
Statistika për vitin 2022, për çfarë kanë shpenzuar më së shumti qytetarët e Maqedonisë appeared first on Telegrafi.
