Presidenti i Republikës së Shqipërisë, Bajram Begaj ka takuar ditën e sotme efektivët shqiptarë që ndodhen në Komandën Rajonale Perëndim, “Camp Villagio Italia”, KFOR, Pejë, Kosovë, me të cilët këmbeu urimet për vitin e ri.
Gjatë takimit me ta, Presidenti Begaj u surprizua nga efektivët të cilët i dhuruan hartën e Kosovës të punuar me guralecë.
Në këtë takim Presidenti shprehu edhe një herë vlerësimin e tij për KFOR -in, si një histori suksesi.
“Ajo që ju po bëni këtu është shumë e rëndësishme në mbrojtje të vlerave të lirisë dhe ruajtjes së paqes dhe sigurisë në rajon”, – i tha Presidenti Komandantit Vacca.
Presidenti falënderoi Italinë që e drejton këtë bazë duke koordinuar trupat e vendeve të ndryshme, të cilat tashmë kanë krijuar një bashkëpunim shumë të mirë mes tyre.
/Vizionplus.tv/
