Mijëra protestues dolën sërish në qendër të Beogradit për të kërkuar anulimin e zgjedhjeve të 17 dhjetorit. Tubimi u thirr nga iniciativa civile joformale, ProGlas, e nisur nga figura të njohura publike.
Organizatorët deklaruan se kërkesa e tyre është mbajtja e zgjedhjeve parlamentare dhe lokale brenda gjashtë muajve .Sipas tyre është tradhtuar vullneti elektoral i qytetarëve
Deputetja Marinika Tepic e cila hyri në grevë për disa ditë beri thirrje për anulimin e zgjedhjeve dhe më pas u shoqërua për në spital.
Në Serbi janë mbajtur një varg protestash pas zgjedhjeve të 17 dhjetorit, të nxitura nga akuzat për vjedhje elektorale nga Partia Progresive Serbe në pushtet, e cila shpalli fitoren në të gjitha nivelet.
Ndërkohë më herët Komisioni zgjedhor e hodhi poshtë kërkesën e koalicionit “Serbia kundër dhunës” për anulimin e zgjedhjeve./vizionplus.tv
