Në një njoftim të fundit, LSDM ka shprehur shqetësimin e tyre në lidhje me nivelin e lartë të ndotjes në Shkup e cila është ndër qytetet më të ndotura në botë dhe se Shkupianët po thithin ajër të ndotur pa ndonjë ndërhyrje të dukshme nga autoritetet lokale. Ato kanë akuzuar OBRM-PDUKM-në, e cila ka shumicë në Këshillin e Qytetit të Shkupit, për mosmarrjen e masave adekuate dhe mungesën e përkushtimit në luftën kundër ndotjes.
“Nuk ka masa për uljen e ndotjes aktuale, nuk realizohen projekte mjedisore, nuk ka zgjidhje për përballimin e ndotjes në Shkup. OBRM-PDUKM në Shkup nuk bën asgjë.
Këshilltarët e Qytetit të Shkupit kanë propozim për Buxhetin për vitin e ardhshëm, në të cilin ka programe me shuma të reduktuara deri në 70% në krahasim me shumën e vitit të kaluar” thuhet në njoftim e tyre.
Në reagim ndaj kësaj, grupi këshilldhënës i LSDM-së dhe koalicionit do të përgatisin dhe propozojnë amendamente për përmirësimin e situatës, duke identifikuar disa aspekte kyçe të cilat duhet të trajtohen për të përmirësuar gjendjen mjedisore në Shkup. /Telegrafi/
LSDM: OBRM-PDUKM nuk po bën asgjë për ajrin e ndotur në Shkup appeared first on Telegrafi.