Mjeku pediatër Bektash Mandri foli sot në emisionin e mëngjesit “7 pa 5” në Vizion Plus për përhapjen e virozave.
Në një intervistë për moderatorët Alma Çelaj dhe Syrjan Rahova, mjeku pediatër tha se situata e virozave ka qenë më e rënduar këtë vit në krahasim me vitet e tjera.
Mjeku iu refreua rasteve të shtuara me kollën e bardhë ( kolla e mirë) veçanërisht te fëmijët.
Mandri tha se shumë prindër i janë drejtuar klinikave mjekësore për të marrë ndihmë të specializuar për fëmijët e tyre, të cilët në shumicën e rasteve shfaqin kollë të theksuar dhe shumë intensive që zgjat më shumë se një muaj.
Karakteristikë e kollës së bardhë është që ajo zgjat më shumë se llojet e tjera të kollës dhe acarohet më shumë gjatë natës, tha pediatri.
“Kolla e bardhë është më e theksuar natën dhe nuk qetësohet nga medikamentet që qetësohet zakonisht. Kolla e bardhë kap edhe fëmijët edhe të rriturit. Shkakton edhe të vjella. Në këtë periudhë kemi pasur moshën 7 deri në 15 vjeç, kemi mosha edhe më të vogla”, tha mjeku pediatër.
Më tej mjeku pediatër ndau në studion e “7 pa 5” disa këshilla për prindërit.
“Referuara klinikës që ka kolla e bardhë, ajrosni ambinetet e shtëpisë. Mbani temperaturën e ambinetit 20 me 22 gradë dhe ajrit nuk duhet të jetë i thatë”, tha doktori./vizionplus.tv/
