Divorci i këngëtares amerikane Ariana Grande dhe Dalton Gomez tashmë është zyrtar, pas gati tre vitesh martesë, shkruan BBC, transmeton Reporteri.net.
Një vendim i Gjykatës së Lartë të Los Anxhelosit të martën finalizoi ndarjen midis yllit të popit 30-vjeçar dhe ndërmjetësit 28-vjeçar të pasurive të paluajtshme.
Sipas marrëveshjes së tyre, Grande do të bëjë një pagesë prej 1.25 milion dollarësh për Gomez.
Grande paraqiti kërkesën për divorc gjashtë muaj më parë, duke përmendur dallimet e papajtueshme.
Marrëdhënia e çiftit filloi në janar të vitit 2020 pak para pandemisë Covid-19 dhe ata u martuan në një ceremoni “të vogël dhe intime” në shtëpinë e saj në Montecito, Kaliforni, në maj të vitit 2021.
Përveç pagesës, marrëveshja i jep gjithashtu Gomez gjysmën e të ardhurave nga shitja e shtëpisë së tyre në Los Anxhelos.
Grande do të paguajë gjithashtu deri në 25,000 dollarë për tarifat e avokatëve të tij./Reporteri.net/.
Divorci i Ariana Grandes dhe Dalton Gomez tashmë është zyrtar / shkruan Gazeta Online Reporteri.net.
