Kryeministri i Kosovës Albin Kurti, e ka pritur në takim futbollistin Albion Rrahmani.
Kurti tha se Rrahmani u bë sulmues i preferuar i Superligës rumune.
“Me talentin e trashëguar nga familja dhe me punën e tij të pandalshme, Albioni në Superligën rumune sivjet ka shënuar 14 gola në vetëm 16 ndeshje të zhvilluara, duke ecur me hapa të sigurtë për t’u bërë golashënuesi më i mirë i kampionatit”, tha Kurti.
View this post on Instagram
A post shared by Albin Kurti (@albinkurti_)
I pari i qeverisë i dëshiroj futbollistit, shumë suksese tutje, në veçanti në ndeshjet që do t’i zhvillojë me fanellën e Kosovës.
Sulmuesi i Rapidit të Bukureshtit do të jetë pjesë e kombëtares së Kosovës në dy ndeshjet që do t’i luajë në mars kundër Armenisë dhe Hungarisë.
Kurti takon futbollistin Albion Rrahmani: I urova suksese në fanellën e Kosovës / shkruan Gazeta Online Reporteri.net.
