Princ Leka u paraqit sot në zyrat e Autoritetit të Mediave të Policisë Shqiptare (AMP) këtë të shtunë, për t’iu përgjigjur pyetjeve në lidhje me videon e publikuar në rrjetet sociale dhe mediat. Videon e cila ka tronditur opinionin publik dhe ka shkaktuar reagime të shumta po e heton AMP për të zbuluar prej nga ka rrjedhur.
Pas publikimit të videos së përplasjes fizike disa ditë më parë mes Princit Leka dhe bashkëshortes së tij në proces të divorcit, Elia Zaharia, çifti u ballafaqua në Gjykatën e Tiranës.
Gjykatësi i dhomës civile pranoi kërkesën për urdhër-mbrojtje nga njëri-tjetri të Elia Zaharias dhe Princ Lekës. Vendimi u dha nga gjyqtari Artan Haradinaj. Burimet bëjnë me dije se gjykatësi ka vendosur që Princi Leka mund ta takojë vajzën e tij të vogël 3-vjeçare vetëm në prani të dias, ndërsa çifti duhet të mbajë një distancë prej 5 metrash nga njëri-tjetri.
Princ Leka dhe Elia Zaharia, të cilët janë në një proces divorci, akuzojnë njëri-tjetrin për dhunë, e cila ngjarje është regjistruar edhe në video.
Gjithçka ka nisur kur Princ Leka ka shkuar të vizitojë vajzën në shtëpinë ku jeton bashkë me nënën, Elia Zaharia. Siç tregon Princ Leka në dëshminë e tij, në atë kohë vajza ka qenë me Gjergj Zaharinë, ish-vjehrrin e tij, i cili po kujdesej për mbesën pasi Elia nuk ishte në shtëpi.
Edhe ky takim është përshkruar si i dhunshëm nga të dy palët, ku Princi pretendon se është sulmuar nga Gjergj Zaharia, ndërsa ky i fundit ka pretenduar se është moshuar dhe nuk mund të kryejë akte të tilla dhune.
Në dëshminë e tij, Princ Leka pretendon se është sulmuar me sende të rënda si statuja druri dhe madje akuzon ish-vjehrrin se i ka shkatërruar xhupin para syve të vajzës. Ai thotë se konflikti ka nisur nga Gjergj Zaharia i cili “ka filluar me fjalë fyese dhe kërcënuese në drejtimin tim duke më thënë se duhet të ndërroj rrugë kur të më shohë”.
Oborri Mbretëror ka reaguar duke kërkuar nga policia shlyerjen e pamjeve, ndërsa vetë policia ka njoftuar se po heton se kush i ka publikuar pamjet e dhunës, të cilat ishin xhiruar nga vetë Princ Leka.
Në anën tjetër, prokuroria ka nisur hetimet për rastin e dhunës në familje.
Ende s’dihet kush e publikoi videon e sherrit në Oborrin Mbretëror, Princ Leka paraqitet në Agjencinë e Mbikëqyrjes Policore / shkruan Gazeta Online Reporteri.net.
