Të shtëna me armë zjarri janë regjistruar mbrëmjen e kësaj të premteje në zonën e Shën Panteleimonit në Athinë të Greqisë.
Protothema.gr shkruan se nga të shtënat ka mbetur i plagosur një shtetas i huaj emigrant. Nuk ka ende informacion për origjinën e të plagosurit, sakaq dyshohet të jetë shqiptar.
Emigranti është qëlluar me armë zjarri në kokë. Aktualisht ai po merr ndihmë mjekësore në spital. Burime bëjnë me dije se i plagosuri është në gjendje të rëndë shëndetësore.
Mediat lokale bëjnë me dije se ngjarja ka ndodhur jashtë ambienteve të një lokali me shisha në kryqëzimin e rrugëve Epirou dhe Michail Voda.
Autori/ët janë larguar nga vendngjarja. Policia po punon për identifikimin dhe kapjen e tyre. Nuk dihet ende shkaku i plagosjes. Në vendngjarje kanë mbërritur forca të shumta policie për zbardhjen e plotë të rrethanave të ngjarjes./vizionplus.tv/
