Ministria e Shëndetësisë në RMV ka vepruar menjëherë në lidhje me detyrimet ligjore që ka për sa i përket praktikës me pagesë gjashtëmujore të mjekëve të rinj, të cilët do të angazhohen në stacionet e vaksinimit dhe në Ndihmën Mjekësore Urgjente pranë qendrave shëndetësore në të gjithë vendin, thuhet në njoftimin e Ministrisë së Shëndetësisë.
“Komisioni Kombëtar i Imunizimit rekomandon në përfundimin e tij që në procesin e imunizimit të përfshihen sa më shpejt mjekët e rinj, pra mjekët që kryejnë praktikën e detyrueshme pas diplomimit të përfshihen në kërkimin e fëmijëve të pavaksinuar, thirrjen e tyre, si dhe regjistrimin e të vaksinuarve në sistemin elektronik, ndërsa nga ana tjetër, mjekët që kryejnë praktikë me pagesë pas marrjes së licencës duhet të përfshihen edhe në zbatimin e vaksinimit në ato pika vaksinimi ku ka nevojë për staf shtesë, të gjitha me qëllim zbatimi i qetë i vaksinimit”, thuhet në njoftimin e Ministrisë së Shëndetësisë.
Lidhur me këtë konkluzion të Komisionit Kombëtar për Imunizimin, siç shtojnë nga atje, ministri i Shëndetësisë, Ilir Demiri njoftuar Qeverinë, pas së cilës është dërguar në Ministrinë e Financave dhe pritet një përgjigje nga Komisioni për Antikorrupsion për shkak se, siç theksohet në komunikatë, është periudha parazgjedhore./Telegrafi/
MSH: Mjekët e rinj të përfshihen menjëherë në sistemin e imunizimit appeared first on Telegrafi.