Zv. ministri shtesë i Punëve të Brendshme Mitko Bojmacaliev theksoi se kontrolli i brendshëm në MPB duhet të përcaktojë se ku është gabimi, pse pasaportat që tashmë janë gati nuk u jepen qytetarëve.
“Unë nuk e kontestoj që është shtuar numri i pasaportave që po përgatiten, por po kontestoj se ka pasaporta të gatshme që janë në shërbimet administrative dhe nuk janë vendosur në vendin e duhur dhe nuk u janë dhënë qytetarëve, ndërsa kjo është e papranueshme.
Ti paguan, e bën MPB-ja, e sjell një ekspeditë dhe kur duhet ta marrësh, dikush nuk i ka porositur në numrin e duhur ose në dhomën e duhur ose çfarëdo që të caktojë kontrolli i brendshëm, kjo është e palejueshme”, tha zv. ministri shtesë i Punëve të Brendshme, Mitko Bojmacaliev, duke u përgjigjur pyetjes së një gazetari për kërkesën e dorëzuar nga ai për kontroll të brendshëm në MPB se pse nuk u jepen pasaporta të gatshme qytetarëve.
Ai shtoi se po i mbërrijnë mesazhe, po ashtu Avokati i Popullit tha se njeriu është fotografuar, pasaporta është gati dhe është dërguar në institucionin prej nga duhet ta marrë, por nuk është aty./Telegrafi/
Bojmacaliev: Kontrolli i brendshëm duhet të përcaktojë se ku qëndron gabimi me pasaportat e humbura appeared first on Telegrafi.