Barcelona raportohet se ka vënë në shitje Andreas Christensen, Raphinhan dhe Jules Kounde për të lehtësuar problemet financiare.
Klubit spanjoll do t’i duhet të shesë lojtar gjatë verës për të balancuar financat, para se të planifikojë forcimin e ekipit, përcjell gazeta online Reporteri.net.
Sipas Marcas, të paprekshëm në ekip janë Pedri, Gavi, Ronald Araujo dhe Lamine Yamal, por Christensen, Raphina dhe Kounde mund të shiten nëse vijnë ofertat e duhura për ata.
Shitja e Chirstensenit për çfarëdo çmimi mund të shihet si fitim për Barçën sepse mbrojtësi danez u transferua si lojtar i lirë nga Chelsea në verën e vitit 2022.
27-vjeçari ka luajtur rregullisht këtë sezon duke realizuar 28 paraqitje.
Ndërkohë, Raphinha, sapo është kthyer nga lëndimi dhe ishte zëvendësues në barazimin 3 me 3 ndaj Granadas.
Edhe e ardhmja e Koundes mbetet e paqartë. Manchester Unitedi ka përcjell zhvillimet rreth tij, por deri më tani nuk ka pasur diçka konkrete.
Barcelona vë në shitje tre lojtarë / shkruan Gazeta Online Reporteri.net.
