Këngëtarja kosovare me famë botërore, Dua Lipa, ka qenë mbrëmë e ftuar në emisionin “Jimmy Kimmel Live”.
Gjatë emisionit, moderator i njohur Jimmy Kimmel ka zgjedhur disa shprehje në gjuhën shqipe, të cilat i ka shqiptuar në shqip, e më pas Dua Lipa i ka përkthyer në gjuhën angleze dhe ka sqaruar kuptimin e tyre.
Shprehjet që ai i lexoi janë: “I ka ba rush e kumlla”, “E kish një dërrasë mangu”, “Sa për sy e faqe”, “Hyp se t’vrava, zhdryp se t’vrava”.
Pas secilës prej tyre, ata kanë qeshur.
“Hyp se t’vrava, zhdryp se t’vrava”, momenti epik kur Dua Lipa ia shpjegon shprehjet shqiptare moderatorit të famshëm / shkruan Gazeta Online Reporteri.net.
