Policia e Durrësit finalizoi operacionin e koduar “Storm 17”, pas një hetimi 4-javor me metoda speciale, për veprat penale “Prostitucioni” dhe “Përshtatja e ambienteve për prostitucion”.
Në pranga u vunë shtetaset kineze X. Ch., 48 vjeçe, J. L., 36 vjeçe, Y. L., 48 vjeçe dhe L. Sh., 53 vjeçe, të cilat kishin marrë me qira dy ambiente në Golem dhe në Shkëmbin e Kavajës, të përshtatura për aktivitetin e paligjshëm.
Gjithashtu, në gjendje të lirë u proceduan edhe 4 shtetas, nga Durrësi, Kavaja, Shijaku dhe Kosova, për veprën penale “Prostitucioni”. Si prova materiale u sekuestruan 4 pasaporta dhe një shumë parash.
Hetimet zbuluan se shtetaset kineze ushtronin aktivitetin në dy ambientet e marrë me qira, duke i adaptuar për prostitucion, ndërsa materialet procedurale i janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
/vizionplus.tv
