“Masat e Mickoskit janë të vona, të pamjaftueshme dhe nuk do të kenë absolutisht asnjë efekt, sepse spiralja e rritjes së çmimeve ka filluar tashmë”, vlerësoi kryetari i LSDM-së, Venko Filipçe.
“Kur paralajmëruam se ato duhet të futen në fuqi në kohën e duhur, siç kanë bërë shumë vende në rajon, qeveria ishte e shurdhër, thjesht nuk na dëgjoi dhe për këtë arsye është kjo situatë këtu. Kriza do të bëhet gjithnjë e më e rëndë, qytetarët do ta ndiejnë gjithnjë e më shumë mbi shpinën e tyre. Fatkeqësisht, qeveria është plotësisht e papërgjegjshme dhe e interesuar vetëm për veten dhe bizneset e saj”, thotë Filipçe.
LSDM propozoi:- heqjen e TVSH-së për produktet bazë ushqimore,- uljen e TVSH-së për karburantet në 5%,- uljen e akcizave për karburantet,- uljen e çmimeve të taksave rrugore.
Këto propozime, përmes një pakete ligjesh, hyjnë në procedurë parlamentare të martën.
