Ekspertët kanë hedhur dritë të re mbi një varr masiv misterioz që daton 2800 vjet më parë, të mbushur me eshtra grash dhe fëmijësh të vrarë.
Rreth 77 persona u vranë dhunshëm nga goditjet me shkopinj dhe therjet me thikë. Vendi i zymtë njihet si varret e Gomolavës, i vendosur në Serbinë Veriore. Është një nga varret masive më të mëdha prehistorike të gërmuara në Evropë.
Shkencëtarët kanë kohë që pyesin se çfarë e shkaktoi këtë ngjarje të pazakontë vrasjesh masive gjatë Epokës së Hekurit.
Ata ende nuk e dinë saktësisht pse u krye një sulm kaq brutal, por kanë zbuluar disa detaje të reja dhe të habitshme rreth viktimave, duke ngritur më shumë pyetje sesa përgjigje.
Mund të supozohet se vrasjet u kryen nga grupe rivale, siç është parë shumë herë më parë gjatë historisë. Por analiza gjenetike e kryer mbi shumicën e mbetjeve zbulon se shumë pak nga viktimat kishin lidhje me njëra-tjetrën.
Në fakt, kockat e tyre sugjerojnë se ata janë rritur në vendbanime krejtësisht të ndryshme. Një tjetër ndryshim i madh janë të dhënat se është treguar kujdes për përgatitjen e vendit.
Ekspertët gjetën prova së investimit të kohës dhe burimeve, pasi viktimat ishin varrosur së bashku me sendet e tyre personale, duke përfshirë bizhuteri të prodhuara nga stoqe metalike nga kjo zonë.
“Vrasjet brutale dhe përkujtimi pasues i ngjarjes mund të lexohen si një përpjekje e fuqishme për të balancuar marrëdhëniet e pushtetit dhe për të vendosur dominim mbi tokën dhe burimet”, – thotë Dr. Linda Fibiger nga Universiteti i Edinburgut.
“Studimi hedh dritë mbi vrasjet e synuara selektive bazuar në gjini dhe moshë, si një mënyrë për të ushtruar dhunë masive dhe për të pohuar pushtetin në Evropën prehistorike” – shton ajo.
Ekipi përdori teknika duke përfshirë analizën e ADN-së, studimin e kolagjenit dhe smaltit të dhëmbëve, si dhe shqyrtimin e traumave dhe lëndimeve të kockave.
Ata zbuluan se të vdekurit ishin nga vende të ndryshme dhe kishin dieta shumë të ndryshme, që do të thotë se njerëzit nuk ishin të afërm dhe nuk kishin jetuar së bashku për një kohë të gjatë në një vend të vetëm.
Shumica e viktimave ishin të moshës midis 1 dhe 12 vjeç, ndërsa 11 ishin adoleshentë dhe dy duzina ishin të rritur. 87% e të cilëve ishin femra.
Kishte edhe një foshnjë të seksit mashkull.
Besohet se gratë dhe fëmijët e vrarë ka shumë të ngjarë të jenë shënjestruar si pjesë e një konflikti sistemik dhe në shkallë të gjerë në të cilin u përfshinë shumë vendbanime. ©LAPSI.al
Hidhet dritë mbi varrin misterioz me 77 viktima të 2800 viteve më parë në Serbi appeared first on Lapsi.al.
