Në emisionin “Mes’dritë” në Vizion Plus u diskutua mbi cilësinë dhe sigurinë e ushqimeve në tregun aktual, me fokus te frutat, perimet dhe qumështi.
Eksperti i bujqësisë, Ilir Pilku, theksoi rëndësinë e konsumimit të produkteve të stinës dhe të atyre organike: “Produktet, frutat dhe perimet që kanë formë të çrregullt janë zakonisht organike. Një spinaq i mirë nuk duhet të jetë shumë i madh,” tha ai.
Sa i përket qumështit, Pilku këshillon konsumatorët të jenë shumë të kujdesshëm:
“Konsumatori duhet të shohë edhe kompaninë që ka siguri të lartë. Duhet ta heqim nga mendja qumështin e rrugës. Në qumështin e rrugës nuk dimë çfarë po pimë. E para, duhet të dimë kush e ka prodhuar. Nëse e dimë kush e prodhon, ka një gjurmueshmëri dhe duhet ta shoqërojë me dokument laboratorik. Duhet të shohim me çfarë ambalazhi e tregton. Me çfarë temperature e mban. Kemi parë qumësht duke u shitur në 45 gradë në rrugë. Ai qumësht mund t’ju helmojë.”, tha eksperti.
/vizionplus.tv
