Kreu i kreupit paelamentar të PS Taulant Balla është përplasur këtë të martë me kreun e grupit të PD Gazment Bardhi.
Teksa Bardhi ka kritikuar ashpër sjelljen e policisë në protestën e opozitës, Balla u ka kujtuar demokratëve tubimin e 8 janarit 2022, ku Sali Berisha me mbështetësit e tij shkoi për të marrë selinë e PD-së, që në atë kohë drejtohej nga Basha.
“Doja të bëja replikë me një deputet të PD jo me këta që i kanë marrë votat qyl nga demokratët, por nga ata që i kanë marrë votat nga populli demokrat. Sa i përket asaj që tha zoti Dule i cili u ankua në emër të demokratëve për atë që ka bërë policia e shtetit në protestën e fundit. Një gjë duhet të dini mirë ju pak demokratë që keni ngelur në sallë. Të paktën gjatë muajve janar mirë është të mos përdorni fjalën protestë dhe dhunë se çdo shqipatri i vjen në memori 8 janari 2022, ku ca prej jush në këtë sallë luftonin kundër ca të tjerëve në këtë sallë. Krahu i Berishës akuzohej se kishte përdorur vare, çekiç, trapanë. Nga krahu i Bashës akuzoheshin se ishte përdorur gaz lotsjellës.
Pusho (drejtuar Bardhit) se ti ke qenë nga krahu lart, pastaj kalove poshtë. Ti hipën lart, zbret poshtë. Je një zhurmues. E vërteta dhëmb edhe kur hipën lart, edhe kur zbret poshtë, edhe para edhe mbrapa”, tha Balla.
