Ministrja e Brendshme Albana Koçiu ka folur për akuzat e fundit që janë hedhur në drejtim të policisë, sa i takon veprimeve të tyre gjatë protestës së opozitës ditën e shtunë.
Gjatë fjalës së saj në Kuvend, Koçiu tha se policia do të vazhdojë të bëjë detyrën e saj për të garantuar rendin dhe sigurinë për qytetarët, teksa shtoi se personat që nxisin dhunë duhet të marrin përgjegjësi penale dhe politike.
Ajo foli edhe për shoqërimin e të miturit, për të cilin tha se u la i lirë pas verifikimeve dhe me mbërritjen e prindit të tij. 14-vjeçari shtoi ministrja, u trajtua konform ligjit dhe nuk u la në ambiente të përbashkëta me të rriturit.
“Policia do jetë në shërbim të qytetarëve dhe nuk do zbrapset përballë dhunë dhe presionit. Rasti ishoqërimit të të miturit faktet janë këto: Gjatë shoqërimit në policinë e shtetit, ai u mor për verifikime. Ai ishte 14 vjeç. I mituri nuk u trajtua në ,ënyrë të paligjshme. Nuk u mbajt në ambiente të përbashkëta me të rriturit. U la i lirë sapo mbërriti kujdestari ligjor.
Askush nuk është mbi ligjin dhe nuk duhet të përdorë fëmijët si mburojë për të justifikuar dhunën. Kush nxit dhunë, të mbajë përgjegjësi penale dhe politike. Policia ka për detyrë të garantoj rendin dhe sigurinë dhe jetën e qytetarëve”, tha Koçiu./vizionplus.tv
