Komisionerja e Bashkimit Europian për Zgjerimin, Marta Kos, deklaroi se në qershor përfundon afati për zbatimin e disa reformave kyçe, të vendosura si kusht për integrimin e vendeve të Ballkanit Perëndimor në BE.
Gjatë një konference të përbashkët me kryeministrin Edi Rama, Kos përshëndeti gazetarët dhe qytetarët në gjuhën shqipe.
“Përshëndetje të dashur gazetarë dhe të dashur miq!”, e nisi fjalimin Koss.
Ajo theksoi se të gjithë vendet e Ballkanit Perëndimor duhet të ecin në sinkron drejt anëtarësimit me të drejta të plota në BE, duke nënvizuar rëndësinë e përfundimit të reformave deri në qershor për të mos vonuar procesin.
“Kemi arritur në mes të periudhës 4-vjecare të planit të rritjes. Faleminderit që e keni bërë të mundur që të diskutojmë në këtë nivel për planin e rritjes. Kënaqësi të kthehem në Tiranë, për të mbështetur jo vetëm ecurinë e Shqipërisë drejt be, por edhe të gjithë vendeve. Kemi patur diskutime për mënyrat për të përshpejtuar zbatimin dhe për ta bërë planin e rritjes një histori suksesi. Për t’iu integruar në shumë fusha. Duam që BE të bëhet realitet i prekshëm. Në disa fusha po merr formë, shqiptarët dhe malazezët përfitojnë nga kosto më të ulëta të transaksioneve falë SEPA-s. Të gjithë vendet e Ballkanit Perëndimor i përkasin BE dhe duhet të bëhen shtete anëtarë me të drejta të plota si shpërblim i merituar për përafrimin me legjislacionin dhe vlerat e BE. Kemi afat që po afron, në qershor do kemi skadimin e periudhës tranzitore 1-vjecare për reformat e papërmbushura nga raundi i dytë.
Diskutuam se si mund të tërheqin më shumë investues të huaj instrumentet tona. Sa më shumë i afrohen BE-së vendet e Ballkanit Perëndimor, Shqipëria dhe mali i zi janë vende pararojë, aq më shumë kureshtarë bëhen qytetarët e vendeve të BE, por edhe më shumë investitorë janë gati të vijnë këtu. Na mbeten edhe 2 vite që plani i Rritjes të kthehet në sukses dhe të përgatisim terrenin për integrimin tuaj në BE”, tha Kos.
/vizionplus.tv
