Policia e Athinës ka arrestuar tre të rinj, dy grekë dhe një shqiptar të cilët akuzohen se kanë rrahur barbarisht një 58-vjeçar, i cili ndërroi jetë.
Sipas protothema.gr, tre të rinjtë ishn pas makinës së 58-vjeçarit me dy motoçikleta dhe në një moment ata u ndalën. Për arsye ende të panjohura njëri prej tyre filloi ta godiste bararisht 58-vjeçarin.
Sipas dëshmive, autori dyshohet se e ka kapur burrin nga koka dhe e ka goditur vazhdimisht në timon. Siç raportuan burimet policore, makina e viktimës ishte e mbuluar me gjak, “madje edhe xhami i përparmë ishte i thyer”.
Autoritetet kanë përjashtuar mundësinë që 58-vjeçari të ketë pësuar atak në zemër, dhe ajo që po shqyrtohet si skenari më i mundshëm është që burri të ketë vdekur nga goditjet që ka marrë në kokë.
Përveç tre të rinjve, u arrestua edhe babai i njërit prej tyre, pasi kur policia shkoi në shtëpinë e tij për një kontroll shtëpie, ai u përpoq të fshihte motoçikletën e të birit.
Tre personat e përfshirë kanë qenë në të kaluarën shqetësim për autoritetet për vepra të ndryshme penale./vizionplus.tv
