Epërsia e presidentit amerikan Joe Biden ndaj Donald Trump po rritet në skenarin e një beteje elektorale mes tyre në zgjedhjet presidenciale të nëntorit në SHBA , siç tregon një sondazh i ri i Universitetit Quinnipiac.
Specifikisht, Biden ka 50% mbështetje nga votuesit që morën pjesë në sondazh, ndërsa Trump e ndjek me 44%.
Më herët, në dhjetor, një tjetër sondazh i Quinnipiac tregoi se Biden grumbulloi 47% të votave të pjesëmarrësve në sondazh dhe ishte vetëm një pikë përpara Trump, i cili gëzonte mbështetje me 46%.
Në fakt, sipas këtyre të dhënave, Biden duket se po fiton shumicën e elektoratit gri me një përqindje prej 52%, krahasuar me 40% në rastin e Trump.
Ndërsa dy rivalët kanë ndezur “motorët” e fushatës, Biden gjendet përballë kundërshtrëve
paktë dhe relativisht të lehtë në garën për nominimin e Demokratëve.
Në të njëjtën kohë, në kampin republikan tashmë po zhvillohet “beteja” mes Trump dhe ish-ambasadores së SHBA-së në OKB, Nikki Haley.
Republikanja “tradicionale” po vazhdon fushatën e saj pavarësisht thirrjeve brenda partisë për mbështetje më të fortë për ish-presidentin, Donald Trump. Përveç kësaj, Haley duket se po fiton një avantazh elektoral, i cili qëndron në faktin se sondazhi tregon se ajo do të ishte një kundërshtare më e fortë për Biden në krahasim me Trump.
E ndërsa Biden duket se “mund” Trump me diferencë në skenarin e një beteje elektorale mes tyre në nëntor, i njëjti sondazh i Quinnipiac tregon se në skenarin përkatës të një përballjeje mes presidentit amerikan dhe Haley, përqindjet e mbështetjes ndaj kësaj të fundit shfaqen më të larta.
Në veçanti, Haley duket se gëzon 47% të mbështetjes së votuesve, ndërsa Biden 42%. Siç shpjegon analisti i Universitetit Quinnipiac, Tim Malloy, kjo është për shkak të votuesve të elektoratit gri.
Sondazhi u krye më 25 dhe 26 janar dhe përfshiu 1650 votues nga e gjithë SHBA. Marzhi i gabimit është rreth 2.4%./vizionplus.tv/
