Gjykata Kushtetuese ka thërritur Erion Veliajn për të marrë pjesë në seancën e 31 tetorit.
Në njoftim, Kushtetuesja shprehet se Drejtoria e Përgjithshme e Burgjeve është njoftuar lidhur me orën dhe datën e seancës dhe se Veliaj si palë kërkuese është ftuar të marrë pjesë fizikisht.
Gjykata bën me dije se lidhur me çështjen është njoftuar dhe Prokuria e Posaçme ndërsa kërkon marrjen e masave për shoqërimin e Veliajt në rast se do të shprehë vullnetin për t’u bërë pjesë e seancës publike.
Në 31 tetor, togat e zeza do të shqyrtojnë kërkesën e Veliajt për kundërshtimin e shkarkimit nga Këshilli i Ministrave si kryebashkiak i Tiranës, kërkesë kjo që çoi dhe në pezullimin e zgjedhjeve në kryeqytet.
Ndërkohë, dy zyrat ndërkombëtare të avokatisë, që përfaqësojnë Erion Veliajn, kanë publikuar raportin e dytë të përditësuar mbi çështjen ndaj tij nga SPAK, ku theksohet se po mbahet në burg për të penguar ushtrimin e detyrës./vizionplus.tv
