Një anije e mbytur është shfaqur në një plazh me rërë në Newfoundland, Kanada duke nxitur vendasit dhe studiuesit që të vënë në dyshim origjinën e saj.
Në zonën më të gjerë të komunitetit Cape Ray ku u gjet anija, të paktën tetë anije janë mbytur në të kaluarën, për shkak të motit të keq.
Por ajo që e bën anijen unike është shfaqja e saj e papritur në ujërat e Newfoundland.
Anija mbase është shfaqur për shkak të erozionit bregdetar dhe stuhisë Fiona që goditi zonën javë më parë dhe mund të jetë shtyrë në breg.
Fotografitë e rrënojave në mediat sociale dhanë disa të dhëna për origjinën e saj.
Anija mendohet se është ndërtuar në shekullin e 19-të. Pjesa e cila ka dalë në breg është 24 metra e gjatë, ndërsa pjesa tjetër ka humbur.
Autoritetet u kanë kërkuar banorëve të qëndrojnë larg vendit për të mbrojtur gjetjen./vizionplus.tv
