Marash Kumbulla pritet të largohet nga Roma në momentet e fundit të afatit kalimtar të janarit.
Qendërmbrojtësi shqiptar është bërë objektiv i disa klubeve të Serie A, ndërsa nuk ka vend për të në “Stadio Olimpico”.
Gazetari sportiv i “Rai”, Paolo Paganini, në emisionin “90 Minuto” ka thënë se përfaqësuesi shqiptar ka rënë në radar të Milanit.
Ndërkohë, mediat italiane raportojnë se Roma po punon për shitjen ose huazimit të lojtarit sa më shpejt të jetë e mundur.
Sipas tyre, edhe katër klube të tjera e duan qendërmbrojtësin shqiptar.
Bëhet fjalë për Cagliarin, Torinon, Genoan e Veronën.
Kumbulla kishte probleme me lëndime në kohët e fundit, ndërsa kjo ka rezultuar me më pak hapësira në fushën e blertë e rrjedhimisht edhe me rënie të formës së tij.
Pesë klube italiane e duan Kumbullën në fund të afatit kalimtar të janarit / shkruan Gazeta Online Reporteri.net.
