Luis de la Fuente ka folur hapur për vendimin e tij për të mos e përfshirë portierin numër një të Barcelonës, Joan Garcia, në listën e fundit të Spanjës.
Trajneri i La Roja ka konfirmuar grupin për fillimin e kualifikimeve të Kupës së Botës 2026 muajin e ardhshëm, me dy ndeshje në transfertë kundër Bullgarisë dhe Turqisë.
De la Fuente ka bërë disa zgjedhje të guximshme për rikthimin në fushë, duke rikthyer dyshen me përvojë Rodri Hernandez dhe Dani Carvajal pas problemeve me dëmtimet.
Pesë lojtarë të Barcelonës janë thirrur nga De la Fuente: Lamine Yamal, Pau Cubarsí, Pedri, Gavi dhe Fermín López, por Joan Garcia, Alejandro Balde dhe Ferran Torres kanë mbetur jashtë.
Garcia u transferua këtë verë brenda Katalonisë, pasi kaloi nga Espanyol te Barcelona, me çështjen e regjistrimit që tashmë është zgjidhur. Klubi i dha përparësi dokumentacionit të tij me La Liga, dhe 24-vjeçari ka qenë titullar në të dy ndeshjet e para të Barcelonës në kampionat këtë sezon.
De la Fuente pritej ta grumbullonte për herë të parë në ekipin e parë, me mundësinë për debutim, pasi ai fitoi medaljen e artë në Lojërat Olimpike të Parisit verën e kaluar.
Megjithatë, trajneri ka vendosur të qëndrojë besnik ndaj treshes së zakonshme të portierëve: Unai Simón, David Raya dhe Álex Remiro, me Simón që mbetet numri një.
“Nuk do ta thërrisja vetëm pse është te Barça. Ai bëri mirë te Espanyoli,” tha ai për Diario AS.
“E kam njohur kur ishte 18 ose 19 vjeç. E di potencialin e tij nga sezonet e mëparshme. Mund ta arrijë lehtësisht. Nëse do të ndihesha nën presion, do ta kisha marrë. Nuk e ndjej për të apo për ndonjë tjetër.
“Nuk është e lehtë të hysh në një grup prej 23 lojtarësh. Ky grup ka një standard shumë të lartë. Nuk është e lehtë të largosh ata që janë aty.
“Te dhjetë portierët më të mirë, gjashtë ose shtatë janë spanjollë.
“Koha e Joan do të vijë, pa dyshim.”/Express
De la Fuente bënë me dije arsyen e mungesës së yllit të Barcelonës në listën e Spanjës / shkruan Gazeta Online Reporteri.net.
