Presidenti amerikan Joe Biden, po merr masa më të ashpra për sigurimin e kufijve, duke përfshirë mbylljen e kufirit SHBA-Meksikë.
Me këtë hap ai po përpiqet të shmangë sulmet e ish-presidentit Donald Trump ndaj politikës së emigracionit përpara zgjedhjeve.
Disa orë pasi Kryetari i Dhomës së Përfaqësuesve, Mike Johnson paralajmëroi se marrëveshja për kufijtë në Senat është e vdekur, Biden u dërgoi një mesazh republikanëve.
“Sigurimi i kufirit përmes këtyre negociatave është një fitore për Amerikën. Për të gjithë ata që kërkojnë kontroll më të ashpër kufitar, kjo është mënyra për ta bërë këtë. Nëse e keni seriozisht krizën kufitare, kaloni një projektligj dypartiak dhe unë do ta nënshkruaj atë”, tha Biden.
President i SHBA-ve mori detyrën duke u zotuar të menaxhojë kufirin në një mënyrë me humane. Por administrata e tij është përballur me realitetet dhe sfidat e ashpra në kufirin me Meksikë. Kjo ka bere qe republikanet ta kritikojnë ashpër politiken e administratës se tij për menaxhimin e kufijve./vizionplus.tv
