Në një koncert të këngëtarit Yll Limani mbrëmë ka ndodhur një përleshje mes dy grupeve në një lokal në Palasë.
Incidenti ndodhi në orët e para të mëngjesit, derisa Ylli ishte në skenë bashkë me grupin Three Dots, duke performuar para një audience të madhe.
Në zonën VIP të lokalit, një konflikt mes dy grupe personash u përshkallëzua shpejt nga debat verbal në përleshje fizike.
Të pranishmit raportojnë për përdorim të sendeve të forta, si shishe dhe gota, ndërkohë që në sfond dëgjohen edhe të shtëna armësh, duke krijuar panik të menjëhershëm.
Shumë persona u përpoqën të largoheshin me shpejtësi, duke lënë pas sende personale në rrëmujë.
Pamjet e publikuara nga Replikë.al dëshmojnë për një situatë të tensionuar dhe frikë mes publikut, ndërkohë që koncerti u ndërpre menjëherë.
Ylli Limani ndaloi performancën dhe më pas reagoi në rrjetet sociale, duke shprehur keqardhjen për atë që ndodhi:
“Çka nisi si një mbramje perfekte, u la në gjysmë për shkak të një konflikti që ndodhi. Më vjen shumë keq edhe ishalla jeni krejt mire”.
Ende nuk ka një njoftim zyrtar nga autoritetet për shkaqet e konfliktit apo për personat e përfshirë, por pritet që hetimet të zbardhin më shumë detaje në vijim.
Të shtëna dhe kaos në koncertin e Yll Limanit në Palasë, reagon këngëtari / shkruan Gazeta Online Reporteri.net.
