Pas momentit viral që qarkulloi në rrjet gjatë koncertit të Coldplay – ku CEO i kompanisë së inteligjencës artificiale Astronomer, Andy Byron, u pa duke përqafuar një kolege në kamerën e puthjes, ai ka publikuar një deklaratë zyrtare duke kërkuar ndjesë publike.
Byron u shfaq në një video që u përhap me shpejtësi në internet, ku shihej në shoqërinë e shefes së burimeve njerëzore të kompanisë, Kristin Cabot, në një moment që shumë e konsideruan intim.
Kjo solli reagime të forta, veçanërisht pasi u mësua se ai është i martuar. Reagimi në rrjete sociale ka qenë i fuqishëm, përfshirë edhe detajin që bashkëshortja e tij, Megan Kerrigan, hoqi mbiemrin “Byron” nga profili i saj në Facebook.
Përballë reagimeve publike, Byron ka dalë me një deklaratë të plotë:
New York, New York – 17 Korrik 2025
Dua të pranoj momentin që është përhapur në internet dhe zhgënjimin që ka shkaktuar.
Çfarë duhej të ishte një natë muzike dhe gëzimi u kthye në një gabim shumë personal që u zhvillua në një skenë shumë publike. Dua të kërkoj sinqerisht falje gruas sime, familjes sime dhe ekipit në Astronomer. Ju meritoni më shumë nga unë si partner, si baba dhe si udhëheqës.
Kjo nuk është ajo që dua të jem apo mënyra se si dua të përfaqësoj kompaninë që ndihmova të ndërtoj. Po marr kohë për të reflektuar, për të marrë përgjegjësi dhe për të kuptuar hapat e ardhshëm, si personalisht ashtu edhe profesionalisht. Kërkoj privatësi ndërsa kaloj këtë proces.
Dua gjithashtu të shpreh se sa shqetësuese është që një moment që duhej të ishte privat u bë publik pa pëlqimin tim. Respektoj artistët dhe argëtuesit, por shpresoj që të gjithë të reflektojmë më thellë për ndikimin që ka kthimi i jetës së dikujt tjetër në një spektakël.
Siç këndoi një mik njëherë: ‘Lights will guide you home, and ignite your bones, and I will try to fix you.’
– Andy
Megjithëse deklarata është cilësuar si reflektuese dhe emocionale, shumë komentues në rrjet sugjerojnë se CEO-ja po kërkon më shumë falje për faktin që momenti u bë publik sesa për veprimin vetë./Telegrafi
CEO-ja të cilit iu zbulua afera në koncertin e Coldplay reagon pas videos virale: Meritoni më shumë nga unë si partner, baba dhe udhëheqës / shkruan Gazeta Online Reporteri.net.
