Ndërsa vendi po digjet, ndërsa zjarrfikësit me paga të mjerueshme po luftojnë me elementët që flakërojnë, ndërsa familjet në Koçan po lypin ndihmë dhe presin që shteti t’i ndihmojë, qeveria e Hristijan Mickoskit do të shpenzojë 1.8 milion euro para publike për luks, për të bërë logo, broshura, toteme dhe ushqim për EXPO-n që do të zhvillohet vetëm në vitin 2027, tha Bogdanka Kuzeska, zëdhënëse e LSDM-së.
Më shumë se 110 milionë denarë do t’i paguhen një kompanie private për “identitete vizuale”, karrige prej lëkure ekologjike, toteme, billboard-e, spote, broshura, shërbim ushqimi dhe qëndrime të promotorëve në Beograd për 4 muaj. Njerëzit në këtë vend mezi mbijetojnë, pagat janë në stanjacion, nuk ka para për Koçanin, nuk ka para për kamionë të rinj zjarrfikës, nuk ka para për asgjë përveç promovimit të Mickoskit dhe Qeverisë. Nuk ka problem të kesh gati 2 milionë euro për këtë.
Kjo është një fyerje e pastër për qytetarët. Me këtë tender, Qeveria po tregon natyrën e saj të vërtetë: luksoze, e shkëputur nga realiteti, në të cilën ministrat dhe Kryeministri imagjinojnë se paratë e popullit janë pronë e tyre për të shëtitur nëpër Beograd dhe për inçizim të spoteve.
Dhe jo vetëm kaq. Ky tender, i cili përfshin fushata mediatike, spote, billboard-e, reklama në rrjetet sociale, banderola, njoftime për shtyp dhe një infrastrukturë të tërë për promovim, ngre një pyetje serioze: a janë këto 1.8 milionë euro nga buxheti në të vërtetë një mënyrë tjetër për qeverinë për të paguar fushatën e saj zgjedhore me paratë e qytetarëve?“, thotë Kuzeska.
Kuzeska poashtu pyet se kush do të mbajë përgjegjësi për këtë shpërdorim të parave tona? Kjo nuk është një qeveri e popullit, kjo është një qeveri e shkëputur nga realiteti, arrogante, pa asnjë grimcë përgjegjësie ndaj qytetarëve të saj./Telegrafi/
Kuzeska: Qeveria do të shpenzojë 1.8 milionë euro për një fushatë për EXPO në Beograd, por nuk ka para për Koçanin dhe zjarrfikësit appeared first on Telegrafi.
