Trajneri portugez, Jose Mourinho, ka folur me vlerësim të madh për Diogo Jota-n, i cili humbi jetën pas një aksidenti tragjik në Spanjë.
“Special One” u shpreh se gjithë flasin mirë për një person kur ndërron jetë, por Jota ishte vërtetë i tillë dhe nuk e donte vëmendjen.
“Kur dikush largohet të gjithë themi se ishte një njeri i mirë. Megjithatë Diogo Jota ishte vërtetë një njeri shumë i mirë. Ishte një lojtar i shkëlqyer, që nuk e donte vëmendjen. Një ditë ndoshta do e kuptojmë pse ndodhin këto gjëra, por tani nuk ka asnjë shpjegim”, u shpreh ai.
Mourinho foli edhe për Interin e trajnerin e ri të zikaltërve, Cristian Chivu. Luzitani i uroi suksese, por theksoi se shpreson të mos e fitojë tripletën.
“Chivu? Ai është një nga fëmijët e mi. Ka mësuar nga përvoja ime. Tani është ndryshe. Është ndryshe të jesh lojtar i shkëlqyer dhe ndryshe trajner i tillë. Të shpresojmë që gjithçka të shkojë mirë. E vetmja që dua është që të mos e fitojë tripletën. Ai mund të fitojë titullin, Kupën ose Ligën e Kampioneve, por jo të gjitha në një sezon”, deklaroi Mourinho.
Mourinho: Jota ishte vërtetë njeri i mirë, nuk e donte vëmendjen / shkruan Gazeta Online Reporteri.net.
