Ministria e Brendshme ka filluar fshehurazi një proces për një sistem të ri për lëshimin e letërnjoftimeve, njoftoi sot zëdhënësja e LSDM-së, Bogdanka Kuzeska.
Ajo thotë se, sipas informacionit të disponueshëm publikisht, tashmë është angazhuar një kompani, pa asnjë përvojë në këtë fushë.
“Imagjinoni, deri më tani ka bërë studime mbi mbeturinat dhe stadiumet. Tani duhet të bëjë një studim për një sistem me nivelin më të lartë të konfidencialitetit, lëshimin e letërnjoftimeve dhe pasaportave. Për më tepër, dokumentacioni i tenderit nuk kërkon një certifikatë sigurie për personat që do të kenë qasje në të dhëna. Gjë që është jashtëzakonisht e dyshimtë dhe e papërshtatshme. Gjithashtu nuk ka asnjë garanci për mbrojtjen e të dhënave konfidenciale të shtetit dhe qytetarëve. Pse?” pyeti Kuzeska.
Ajo akuzoi se e gjithë kjo po bëhet pa transparencë, larg syrit të opinionit dhe jashtëzakonisht e dyshimtë.
Pas të gjitha tenderëve skandalozë në Ministrinë e Brendshme, pas gjithë procesit të partizimit të këtij institucioni, drejtësisë selektive dhe mbrojtjes së zyrtarëve të OBRM-PDUKM-së.
OBRM-PDUKM dëshiron të centralizojë të gjithë sistemin, nga prodhimi deri te lëshimi i dokumenteve, pa kontroll, pa mbikëqyrje, pa publik, pa certifikata.
Kjo nuk është modernizim, kjo është një recetë për abuzim”, tha Kuzeska
Kuzeska poashtu pyet ministrin e MPB-së, Pançe Toshkovski: “A do të thotë kjo se përsëri po përgatiten skenarë si ata nga koha e Nikola Gruevskit, kur OBRM-PDUKM lëshoi masivisht karta identiteti të paligjshme dhe zhvilloi votim të paligjshëm?”./Telegrafi/
Kuzeska: Ka filluar fshehurazi një proces për një sistem të ri të lëshimit të letërnjoftimeve appeared first on Telegrafi.
