Bayern Munich ka identifikuar sulmuesin brazilian të Arsenalit, Gabriel Martinelli, si një nga objektivat kryesorë për merkaton e verës. Pas largimit të Leroy Sané si lojtar i lirë dhe me të ardhmen e pasigurt të Kingsley Coman, kampionët e Gjermanisë kërkojnë me ngulm një anësor me potencial dhe shpërthim, dhe profili i Martinellit përputhet me kërkesat e projektit të ri bavarez.
24-vjeçari ka qenë pjesë e Premier League që nga viti 2019 dhe ka treguar rritje të vazhdueshme te Arsenali, por sezoni i fundit nuk ka qenë ndër më të mirët për të. Prodhimi i tij ofensiv ka pësuar rënie, dhe megjithëse ka ruajtur një rol të rëndësishëm në skemat e Mikel Artetës, e ardhmja e tij nuk duket më aq e sigurt sa më parë. Nevoja për një sfidë të re mund ta shtyjë drejt një largimi të mundshëm nga Londra.
Bayern Munich, në kërkim të rinovimit të linjave sulmuese, ka nisur tashmë kontaktet për të shqyrtuar mundësinë e transferimit. Martinelli ofron një kombinim të shpejtësisë, dinamikës dhe përvojës në futbollin europian – karakteristika që e bëjnë atë një objektiv tërheqës për klubin gjerman.
Nga ana e vet, Arsenali nuk e ka mbyllur derën për një largim, por as nuk ka konfirmuar qartë qëndrimin e brazilianit. Gjithçka pritet të varet nga shifrat që do të ofrohen dhe nga dëshira e vetë lojtarit, i cili thuhet se është i hapur për të eksploruar një eksperiencë të re në një kampionat tjetër.
Bayern ka filluar lëvizjet për ta bindur Martinellin dhe nëse palët afrohen në kërkesat financiare, negociatat mund të përshpejtohen ndjeshëm në javët në vijim.
Bayerni dëshiron të nënshkruajë me yllin e Premierligës / shkruan Gazeta Online Reporteri.net.
