Nga 1 korriku, do të hyjë në fuqi ndalimi i lëvizjes në pyje dhe do të jetë i vlefshëm të paktën deri në fund të gushtit. Edhe pse ky ndalim bëhet çdo verë kur ka temperatura të larta, sipas autoriteteve, shkaku më i madh i zjarreve në pyje është pikërisht faktori njeri. Për shkak të kësaj, të gjithë ata që do të duhet të lëvizin në pyll gjatë periudhës së ndalimit do të duhet të marrin leje nga Pyjet Kombëtare, nga ku do të monitorohen aktivitetet e tyre.
“Nëse dikush ka marrë leje për të lëvizur në Malin e Zi të Shkupit, në një rajon të caktuar dhe atje kemi një fenomen negativ – nëse do të ketë një zjarr, nëse do të ketë ndonjë vjedhje, çfarëdo qoftë ajo, ne e dimë se ai person ka marrë leje dhe supozojmë se është ashtu. Pra, në këtë mënyrë ne synojmë lëvizjen e njerëzve në pyll në periudhën e ardhshme, për arsyen që shihni se muajt mars dhe prill ishin mjaft me shi, bari është mjaft i lartë, që do të thotë se materiali i djegshëm do të thahet në periudhën e ardhshme dhe do të jetë mjaft i ndezshëm, për këtë arsye do të duhet të përgatitemi seriozisht”, tha Kire Mihailov, Zëvendës Drejtor i Përgjithshëm i “Pyjeve Nacionale” .
Sanksionimi i piromanëve është në fushën e policisë dhe sipas ligjit, një person që shkakton zjarr pyjor në shkallë të gjerë do të dënohet me burg prej të paktën tetë vjetësh. Shkaqet e zjarrit, përveç faktorit njeri, janë edhe temperaturat e larta, dhe në shuarjen e zjarreve, resurset e Pyjeve Kombëtare janë ende të pakta, ndërsa ndërmarrja ka cisterna që nuk janë në gjendje të mirë.
“Automjetet që kemi, megjithatë, një pjesë e mirë e tyre, sinqerisht, janë në gjendje të papërshtatshme, ne përpiqemi t ‘i riparojmë ato. Në fushën e prokurimit të pompave që përdoren për shuarjen e zjarreve, kemi problem të madh – sepse thjesht nuk janë kujdesur në të kaluarën”, shtoi ai.
Vetëm një nga tre avionët e Drejtorisë së Mbrojtjes dhe Shpëtimit aktualisht është në funksion, dhe nëse situata përshkallëzohet, një avion ushtarak dhe një helikopter policie do të ndihmojnë./Alsat.mk
Nga 1 korriku hyn në fuqi ndalimi i plotë i lëvizjes nëpër pyjet e Maqedonisë së Veriut appeared first on Telegrafi.